ابتسامة هاربة من شبابيك القلق

10 مايو

dsc00523.jpg   

ابتسامة  هاربة من شباببيك القلق

dsc00523.jpgdsc00538.jpg لحظات تقضيها فى  التفكير  هتعمل اية ؟ مازالت  المأساة قائمة  مأساة  تثبت بشاعة هذا النظام فى ممارسة القهر المنظم   على خلق الله وبالأخص الأكثر فقرا – الأكثر ضعفا وقلة حيلة
 اهالى قلعة الكبش  ومساحات   ممتدة من المعاناة – تشتعل  النار فى منازلهم ، بسطاء جدا جدا جدا – البعض  كان يدبر  طعامة بالكاد وبعد  ما ولعت  بيوتهم البسيطة  الضيقة ” العشوائيات ”

اللى بنوها   هربا من  غلاء المساكن فى مدينة القاهرة قاسية الملامح على فقرائها وعمالها ، وفجاة احترقت العشش والبيوت  وضاع كل شى  الاثاث  اثبات الشخصية الأوراق  ،  الملابس  وكل ما يمكن يحتفظ به الإنسان  !
  سكنو  ما تبقى من حطام المنازل بعد الحريق  ولكن السلطة لم تدعهم ، كلام يتردد حول رغبة المستثمرين وطمعهم فى ارض  قلعة الكبش ، تعذيب قنابل حارقة ضرب وتعذيب  واحتجاز  العديد منهم وتركهم فى  الطرق الصحراوية ، ماذا يحدث لا تسالنى لانى لا اعرف تحديدا ماذا يحدث ولاة اتصور  مدى بشاعة  الافعال .
اهالى قلعة الكبش واعتصمو امام مجلس الشعب  وكان لابد  من تاديبهم  ردا على تمردهم ، وقامت اجهزة القمع والسلخانات البشرية بدورها فى اخراس صوت الناس الغلابة –   يقول عصام  عبدا لتواب  نروح فين   واية اللى بيحص فينا دة اية الذل  دة  هو احنا مصرين ولاة  لا  ردو عليا  هو احنا اية ، واخر يقول  هما  يسيبو  الجواسيس ويعذبو الغلابة  هما يسبو اللى بيسرق  وبخلنين علينا  بوضة لكل واحد فينا !
 اخرى تقول مبعرفش انام   خايفة ع البنات نايمين فى الشارع !
تخرج عبير  وتهتف ورغم الاصابات اللى فيها ورغم  والجرح اللى لساة بينزف فى اديها بتجمع  بقايا الهمة  جوها وتهتف باعلى صوت  اما م قصر عابدين ” معتصمين والحق معنا ضد حكومة اكيد ناسينا ”  مش خايفين مش خايفين  مش  خايفين من الزنازين ”   معتصمين معتصمين
 وكريمة تقف  وعنيها بتضحك رغم كل الهم والتعب والم  وتقول ادى ورقنا  اتربينا وعشنا هنا واتنولدنا هنا بيقولو لينا ملكوش مساكن  ادى شهادتى نصها اتحرق والنص التانى باقى
كريمة ليها اخت اسمها نعمة واخ  اسمة   اشرف   هما وغيرهم اختارو يدافعو عن حقهم  فى السكن
 يحكى  مصطفى بمرارة عن نائب الاخوان اللى بقى بيلف  من ورا عشان ميقبلهمش  وميسمعش منهم  وازاى كانو جنبو واختاروة فى مقعد العمال لكن مسالش فيهم  ويحكو  بمرارة اكبر عن فتحى  سرور وازاى  ان ناس  كتير من قلعة الكبش رضيت تبيع صوتها بعشرين جنية عشان ينجح   لا وكمان اكتر اصوات اخدها  فتحى بية  رئيس مجلس الشعب  كانت منهم
 فى موتمر لجنة الحريات بنقابة الصحفين  تهتف عبير مرة تانى ولكن محدش بيرد بصوت عالى زى الاول   معرفش رهبة القاعة ولاة خوفهم من حد من اللى ع المنصة يقولهم  اسكتو لنطلعكم برة  ما هو اتعود ع الكلام دة وكمان ديما الضرب والتعذيب  والاهانة  بتجى  من الناس اللى لابسة بدل !
 لكن تهتف معتصمين والحق معانا  وتتملى عنيها بالدموع  أتماسك  وتفتكر كل اللى تم ليهم فى لحظة  ويتجمع   التعذيب اليومى والبيات فى الشارع  هى وعيالها  الاتنين  وتبكى عبير  رغم انها مبكتش من ضرب عساكر الامن المركزى  ولاة سكتتها  قنابل الغاز المسيلة  ولكن دى انكسارة  الضعف ورغبة الصمود  تبكى  احدى الحضور  تحاول احدى الصديقات   اسكاتها  تخرج من القاعة  وفى عنيها   شجن وغضب  واحساس  بالقهر من  الدولة دى  والنظام الفاجر دة
 اتكلم عنهم كدة  زى  ما بتكلم كدة عن عبير اللى متكسرتش ولسة بتهتف – وعن كريمة اللى ابتسامتها  بتهرب من شبابيك الهم  وتملى وشها ابتسامتها يمكن  اللى جاى احسن  ومصطفى  وحد تانى من اللى استلمو شقة لكنة  مومن ان لزم ميهداش اللى لمى كل الناس  تنام فى اربع  حيطان ، بس هو دة حلمهم اربع حيطان

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

WordPress.com

WordPress.com is the best place for your personal blog or business site.

اللجنة الوطنية للتصدى للعنف الطائفى

لا للطائفية .......نعم للدولة المدنية

%d مدونون معجبون بهذه: