هاجر وسبورة على مساحة عرض عمود السور

13 أبريل

هاجر البنت اللى بتبيع الجرايد عن قهوة وادى النيل – رحت اجيب المصرى اليوم نسيت اديها الفلوس بصت عليا وتاملت وسكتت رجعت اقولها الفوس هاجر قلتلى جنية وربع – طلعت جنية – مش معايا فكة هاجر بكلة مش مهم – لا بابا لحظة افك لا خلاص خلاص قالتها فى تعجل الاطفال – فكيت وسبتالها الفلوس – وقفت اتاملها من بعيد وهى بتكتب بالطباشير على سور الميدان بتستغل فسحة العمود اللى مسمحش الحظ الا بيها عشان تكون سبورتها لساها فى اولى ابتدائى ، هاجر شغلتنى عن حوار الاستاذ محمود امين العالم وحسيتى جسمى بيترعش كل ما اشوفها ولساى معرفش لية ، كل مااعدى من الميدان اصلها ، تضحك …. ابتسمتها رائعة بتفكرنى باختى نجوى لمى كانت فى سنها وتشخبطع الحيطة ، مرة امى سالت اختى اخوكى كاتب اية ع الحيط ، كنت لسة فى تانيةجامعة وكتب ت الشيوعى اخر من ياكل اخر من يشرب واول من يستشهد ردت مروة ع امى وقالت كاتب انة اخر واحد ياكل اخر واحد يشرب اكتر واحد مظلوم فى البيت دة …. سمعتها ضحكت بس التشبية لصق فى دماغى ! ومعرفش لية
2
وانى على حجرك بكيت رغم انى اكتشفت كتير انك كنتى بتكدبى عليا ، وقت طويل لكن معرفتش اهرب من احساسى

3
لسة يا ترى معلقة صور الفلاحين والعمال وصورتى الكاريكاترية اللى رسمها بهجورى ، ولاة نستيها – عارفة بقيت مريض باللى شبهك حتى لمى شافتك البنت صاحبتى الصحفية ضحكت وفهمت معنى ضحكتها – وقلتلى حرام عليك ميصحش تتعبها وتستفززها انا همشى – رديت لا استنى قالتلى خلاص ” انا هعزمها عندى النهاردة … وشوف نصيبك بس انتى اللى عملت الخطوة دى النهاردة … ومع بدايت معرفتى بيها خريطة العلاقة ما بنا هتتغير تماما ..ز سكت رحلت هى ورحلت الاخرى وفضلت لوحدى
بتمشى فى ميدان السيدة للعتبة رمسيس الاسعاف ورغم الضجيج والزحمة بتعمق احساسى بالغربة … ياة كويس انى لسة ممتش ولساى بحس حتى لو كان شعور بالغربة ويلى ويلى من صوت يتعالى لكن لا يعدو كونة اقوال … تضربينى بحزام الرقة مرة وينهرنى الصمت احياننا

مكنتش اتصور ان الناس بتتسلع بالشكل دة ” الظاهر انى كنت برى زيادة عن اللزوم

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

WordPress.com

WordPress.com is the best place for your personal blog or business site.

اللجنة الوطنية للتصدى للعنف الطائفى

لا للطائفية .......نعم للدولة المدنية

%d مدونون معجبون بهذه: