Posts filed under 'اهالينا'
الحركة الاجتماعية فى شهر مايو .
Add comment يونيو 27, 2009
الارض ارضنا … من شعارات اهالى البساتين
وتجدد احتجاجات المهمشين اهالى الخلوتى بالبساتين يرفعون شعاروابسط حق لينا لقمة عيش وبيت يأوينا….. الأرض أرضنا …… تظاهر صباح امس الاثنين الموافق 19 /11/2007 العشرات من اهالى ارض الخلوتى بحي البساتين أمام مبنى رئاسة حى البساتين بالمعادى الجديدة احتجاجا على قرار الإزالة الصادر لمنازلهم والبالغ عددها 106 منزل تم هدم 4 منازل منهم فى شهر سبتمبر الماضي رفع الاهالى فى التظاهرة لفتات تحمل شعارات “ابسط حق لينا لقمة عيش وبيت ياوينا ” و”لا لتشريد 300 اسرة من اجل الحرامية والمستثمرين ” كما ردد الاهالى هتافات متعلقة بمطالبهم مثل ” بيوتنا هتفضل حرة والحرمية يطلعو برة و ” الارض ارضنا والحق هيفضل لينا ” وايضا مش هنبيع مش هنبيع اكتب يا صحفى وقول يا مذيع كما هتف الاهالى ضد رئيس الحى ” مش مشين مش ماشين مش ماشين يا بهاء الدين “وذكر رئيس الحى فى التفاوض الذى جرى مع الاهالى ان قرار الازالة توقف لبحين الفصل والتحقيق فى العقود والمستندات التى تثبت ملكية الاهالى للأرض ولقد رفض الاهالى محاولة استغلال حركتهم “من قبل احد اعضاء كفاية “او ترديد شعارات غير متعلقة بقضيتهم ولقد أصدر الاهالى بيان شرحو فيه قضيتهم وطالبو مساندتهم فى مطالبهم العادلة http://afaq.yasary.com/?p=300
2 comments نوفمبر 20, 2007
أملات واحد عندة حقد طبقى
تأملات واحد عندة حقد طبقى
ع قرار خصخصة التامين الصحى
اعلنت حكومى حسنى مبارك اللى مبتخفش ولاة بتختشى ولاة عندها دم ولاة وظيفة الا النهب المنظم واستنزاف المواطنين والمتاجرة بيهم يعنى استخدامهم سلع ….. اية اية الكلام الكبير الناس سلع اية يا عم اهدى شوية …. حاضر هقول اصبر يا عم …… الحكومة خلاص باعت المصانع وسلمت العمال كسلع وزودت شروط استغلالهم وسبتهم لراس المال المحلى والاجنبى و
طبعا مش فارقة عشان مفيش حاجة اسمها راس مال وطنى كلة بيبيع ويتفاوض وبياكل عرق الشقانين وكلهم بيتاجرو مع اسرائيل ويكوزو نسبة الى الكويز اسم اللة حارصهم المكوزين
بتوع النسيج …. ماشى يا عسل يبقى العمال اصبحو سلعة والعمل سلعة ماشى وعرقهم فى دايرة راس المال يعنى جوى المصنع برضو سلعة اقوللك ازاى يا عم عارف القميص اللى بيتباع بستين جنية هو فى الاصل قماش مجبش عشرين والفرق بيين سعر القماش والقماش هو دة المكسب اللى اسمة فائض قيمة واللى اسمة نتاج العمل كدة يبقى العمل سلعة تباع وتشترى بس ديما الحكومة بتشترى عملنا او تبيع عملنا للشركات وراس المال رخيص، إذن اصبحنا يا عم سلع واية كمان سلع رخيصة !
طيب خلاص يا عم سيبك من موضوع السلع دة والقيمة وفائض القيمة وشروط العمل احسن تقول عليا شننوعى ولاة حاجة ولاة من بتوع التحريض !
خلينا نتكلم عن التامين الصحي سياتك ماشى سيبك دى حلوة ، من العمال والبلشفة والكلام بتوع الماركسين يمكن كلامهم ماسخ
خلينا فى التامين الصحى معايا يا مان
التامين الصحى المفروض بتاعنا كلنا يعنى كلنا بندفع فية اشتراكات يعنى فلوسة فلوسناغ معاى يا عم … قام قال اية الحكومةاغصدرت قانون بانها هتحول التامين الى شركة قابضة يعنى نفس المسلسل الحمضان بتاع بيع الشركات وقلتللك زى برضو الشركات ان التامين الصحى فاشل وبيخسر مع ان دة مش صح بس اهو بتقول عشان تصفى القطاع الصحى واللى هو جز من الخدمات وعاوزينها مخصخصة يبقى تبقى دى خصخصة ولاة خص … لا مواخذة اصلها حاجة تغيظ يعنى شوف هيبيعو الشركات وكمان التامين الصحي، يرضى مين دة يا عم ؟ وربك يسترها طبعا على عمال القطاع الصحى والتامين الصحى مش عارف لمى تبقى خاصة هيحصلهم اية … شوف يا عم متقليش انى رجعت اتكلم عن العمال ورجعت اتكلم زى الشنوعين لا ابدا القضية ان التامين الصحى هيتباع ودى كارثة والمؤامرة قديمة ودة سلوك دولة منحازة للطبقة اللى فوق فوق فوق يعنى فوق طحن اوعى تفهمنى غلط انا بتكلم ع الطبقة العالية يعنى مصر العالية مقصدش اللى فى دماغك يا مراهق ، فى سنة 1997 قاللك البنك الدولى لازم تعيدو هيكلة قطاع التامين الصحى ووقعو اتفاقية ساعتها مع واحد اسمه ليفينجستون - مدير البنك الدولى ممثلا لتلك الجهات الدولية الممولة للمشروع” البنك الدولى وصندوق النقد الدولى “ وبالفعل قامت الحكومة فى شهر ابرايل الماضى باصدار قرار بتحويل التامين الصحى لقطاع اعمال عام – شركة قابضة يا جدعان افتكرو مسلسل بيع الشركات وتصفيتها بنفس اللعبة اة يا مرارك يا ابو العيال ، يا عم دة كلة شغل راس المال المحلى والدولى عاوزينا نشترى من السوبرماركت بتاعهم كل حاجة اصل دة بيسموة كمبيودور تحالف راس المال المحلى والعالمى – وعاوزينا نشترى خدمات التعليم والصحة والثقافة وكل حاجة يبقى احنا سلعة ولاة لا والنبى دا احنا صيدة جامدة ومن حق الشركات تجى تشوف الجمهور دة يشترو منه عموما قولو اللى تقولوة حاقد ع الدولة شيوعى حقد طبقى بس هو دة الموضوع ….
Add comment مايو 13, 2007
